ال 7 خطايا في الـ Interview.. أخطاء بسيطة سبب خسارتك للوظيفة

“ليه اترفضت فى الشغل؟” كتير من الناس بيسألوا السؤال دة لنفسهم بعد الإنترفيو, وبعد أكتر 2000 مقابلة مع متخصصين فى الـ Human Resources Management ,

المهم حددوا أكتر المشاكل الشائعة إللى بتواجه الناس فى أى مقابلة عمل وكانت كالتالي :

1- عدم إظهار الحماس أو الإهتمام بالوظيفة
من أكبر مشاكل الـ interview هى قلة الإهتمام بالوظيفة, تعبيرات الوجه وطريقة كلامك وأسلوبك بيوضح مدى حماسك للشغل. قبل أى إنترفيو خد راحتك وكفايتك من النوم , علشان ميظهرش عليك علامات إرهاق.




2- عدم معرفة مدير الشركة أو أو القسم
“لازم” قبل أى إنترفيو , تعمل بحث كفاية عن إللى هيعملك الإنترفيو (اسمه – منصبه- خبراته السابقة والحالية – إهتماماته)
ليه كل دة ؟ معرفة إللى ادامك هو مفتاح إنك تكسبه فى صفك , ودة بيوضحه الخبير الأمريكي “ديل كارنيجي” فى كتابه “كيف تكسب الأصدقاء وتؤثر فيهم”.
إزاى تعرف مين إللى هيعمل الإنترفيو ؟ كلمة السر هو Linkedin , فرصة تعرف أكتر عن الشركة .

3- عدم إظهار الجانب الشخصى أو المرح فيك
حلو تبان فى المقابلة إنك شخص جد وبتحب الشغل , لكن مش هى دى حياتك كلها. الهزار والود فى المقابلة مطلوب علشان تكسب إللى ادامك. خللى بالك , الهزار فايدته تطليف جو التوتر بلاش الهزار الكتير.

4- الشرح الزيادة عن سبب خسارة وظيفتك السابقة
متظهرش غضبك من وظيفتك السابقة. وضح سبب بسيط ليه سبت الشغل , لكن متتعمقش فى التفاصيل الزيادة.

5- التركيز بزيادة عن إللى محتاجه
القاعدة المهمة : المدير بيدور على إحتياجات الشركة. هل أنت بتدور على مصلحة الشركة برضه ؟ إذا كانت إجابتك آه, فدى أول خطوة للقبول. قبل ما تدخل المقابلة لازم تعرف إن إحتياجات الشركة تكون من أولوياتك.




6- عدم معرفة ميزتك عن باقى المرشحين
إيه إللى يفرقك عن باقى المتقدمين ؟ الإجابة لازم تكون عارفه لما تتسأل وتحاول تظهره فى المقابلة.

7- تحاول تبقى “كل” حاجة
كن نفسك فى المقابلة , اظهر مهاراتك وتخصصك فقط

المصدر: Jiwar – چوار


 

للمزيد من الوظائف يومياً تابعنا على صفحتنا على الفيس بوك افضل وظائف.كوم (اضغط هنا للمتابعة)
او من خلال جروب أفضل وظائف
من هنا

بيان بأسماء الشركات المحظور التعامل معها بمصر والخارج من وزارة القوى العاملة

تعرف على… افضل 24 شركة لإلحاق العمالة بالخارج

رسالة الموقع

يهدف موقع أفضل وظائف. كوم لتقديم أفضل خدمات التوظيف للشركات والباحثين عن عمل بأسهل طريقة وأقل وقت.

تابعنا على مواقع التواصل الإجتماعي